Herriko agintariek “Ze izen ikusten duzu egokiena Errebale 2ko eraikinerako?” galdera egin zieten 16 urtetik 99 urtera bitarteko larrabetzuarrei eta emaitzak aste honetan jakinarazi dituzte. Herritarrek Udaleko webguneraen bidez eman ahal izan zuten botoa.
Udalak eskerrak eman die parte-hartzaile guztiei. “Herritar askok ez dute galdeketan parte hartu, badakigu, baina lehenengo aldia izan denez, pozik gaude. Etorkizunari begira, galdeketa gehiago antolatuko ditugu herriari dagozkion hainbat kontu erabakitzeko”, esan digu Iñigo Gaztelu alkateak. Galdeketa loteslea ez izan arren, Udalak errespetatuko du herritar gehiengoen erabakia eta eraikinari maiatzeko udalbatzean jarriko diote izen ofiziala, hau da, ekainetik aurrera, Errebale Jauregia izango da. Gaur egun, Osakidetzako kontsulta, Correoseko bulegoa, erromesentzako aterpea eta lokal batzuk daude bertan.