Hala, Larrabetzun mosaikoa osatu zuten ekainaren 2an. Lezaman aurretik egin zuten, maiatzaren 28an hain zuzen ere. Bestalde, Pazko jaiak izan dira Zamudion eta hango plataformak txosna ipini du bertan, datorren urtean egingo duten galdeketari begira dirua lortu eta ekimenaren berri emateko. “Egon den eguraldi kaskarrerako, emaitza politak lortu ditugu. Helburua bete da eta taldea indartu da”. Loiun ere ekainaren 10eko ekitaldiari babesa adierazteko txartelak saldu dira. “Txorierritarrok Moyua plaza inguruan kokatuko gara. Txartel bakoitzak euro bi balio du eta horien bidez partaidetza lortu nahi dugu. Txartela erosten duenak bere lekua edukiko du mosaikoan gordeta”.
Ekainaren 10raren haritik, txori-martxa antolatu da ekainaren 10ean Txorierritik Bilbora joan eta erabakitzeko eskubidearen aldeko mosaiko erraldoian parte hartzeko. Martxa 11:00etan aterako da Larragoiti jauregitik.