Ekitaldi horien artean, bereziki domekan, ekainaren 11n, egingo direnak azpimarratu dituzte. Goizeko 11:45ean kalejiran aterako dira txistulariekin eta 12:00etan osoko bilkura egingo da. Bertan adierazpena irakurri eta onartuko dute, eta ostean, argazkia ipiniko dute horman. Ikurrina daramatela, 12:15ean Angulerira abiatuko dira eta 12:30ean ikurrina jasoko dute. Gaztelumendi abesbatzak Gernikako Arbola abestuko du. Adierazpena 12:35ean irakurriko dute eta Bizkargi dantza taldeak dantzen agerraldia eskainiko du 12:40ean. Gaztelumendi abesbatzak saioa eskainiko du berriro 12:50ean. Taberna Ibiltariak lekukoa hartuko die.