a: Idoia Andrés
Txinpasmendi gurasoen elkarteak hezkuntzaren gaineko jardunaldiak antolatu ditu Larrabetzun. “Eskola eta hezkuntzaren inguruko kezka bat ikusi dugu herrian, eta horregatik jorratu nahi izan dugu gaia: teknologiaren garrantzia eta baliabideak, etxeko lanak beharrezkoak diren ala ez… Gure ustez, hezkuntza ez da eskolan bakarrik landu behar den kontu bat; guztiok hartu behar dugu parte hezkuntzan. Eta daukagun eredua ez da aldatu Francoren garaitik. Eskola publikoak aurrera egin behar du, eta horretarako gauzak hobetu behar dira”, esan dute Txinpasmendi elkartekoek.
Lehenengo saioa barikuan egin zen, urtarrilaren 26an. Antolatzaileek Samthing Visual irabazi-asmorik gabeko elkartearen Imagine elephants dokumentala igorri zuten Hori Bai gaztetxean, eta horren haritik, bideo-foruma egin zuten, umeen jolasak jorratzeko. Zapaturako, urtarrilaren 27rako, herri-bazkaria eta hiru hitzaldi antolatu ziren: lehenengoa, “Zelan landu sormena umeekin” , Iraide Rabadan derioztarraren eskutik; “Naturaleza y pantallas: cómo combinarlas para favorecer el desarrollo y aprendizaje infantil”, Heike Freireren eskutik; eta “Zertan datza eskolaren benetako kalitatea?”, Ane Ablanedoren eskutik.
“Oso pozik gaude, jende pilo bat etorri delako eta publikoa zein parte-hartzaileak ere agertu direlako pozik”. Azken saioa otsailaren 1ean, egunean, egingo da Errebalen. Jose Mari Auzmendik Hik Hasi egitasmoa aurkeztuko du 19:00etan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).