Logoa
Logoa
aikor.eus

Larrabetzun lurpetik ateratako milizianoen gorpuzkiak Duintasunaren kolunbarioan hobiratu dituzte

  Besterik  Larrabetzu

Ekitaldia joan den barikuan izan zen, Elgoibarrean, Olasoko hilerrian. Duintasunaren kolunbarioan 36ko gerran hil zituzten 24 lagunen gorpuzkiak hobiratu zituzten. Horien artean, Aranzadi eta Karraderan elkarteen lanei esker lurpetik ateratako lau borrokalarien gorpuzkiak daude. 

Lau borrokalarietatik bakarrik bi identifikatu ahal izan zituzten: Ramón Portilla CNTko borrokalaria eta Nicolas Obregón Euzko Gudarosteko CNTren Sacco Wanzetti batailoiko kaboa. Ekitaldian Iñigo Gaztelu Larrabetzuko alkateak eta Karraderan elkarteko kideek hartu zuten parte.

Portilla eta Obregónen gorpuzkiez gainera, bakarrik Millan Zabala Donostiako Udaleko Gauzainen Kidegoko langilearenak identifikatu ahal izan dira. Identifikazio lanetan ibili direnek ezin izan dute jakin nortzuk diren gainontzeko 21 lagunak. Dagoeneko 51 lagun hobiratu dituzte Duintasunaren kolunbarioan, eta bakarrik horietako sei nortzuk diren ezagutu da. Aipatutakoaz gainera, Sabino Atutxa Olabarri, Jesús Zuaza Mondragón eta Joaquín Garro dira.  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa