Ekitaldia Larrabetzuko frontoian izan zen barikuan. Txapelketara 503 ipuin aurkeztu dira: 48 lan, A kategorian (7 urtera arte); 188 ipuin, B kategorian (8 eta 9 urte); 163 ipuin, C kategorian (10 eta 11 urte); 97 ipuin, D kategorian (12 urtetik 15 urtera arte); eta 7 ipuin, E kategorian (16 urtetik aurrera).
Txorierriko Zerbitzuen Mankomunitateko Euskara Zerbitzuak 20. aldiz antolatu du lehiaketa eta, handik azaldu duten moduan, oso pozik daude lehiaketak duen arrakastarekin, “aurreko urteekin alderatzen badugu, antzeko kopuruetan gabiltzalako, 500 ipuinen bueltan”. Epaimahaikideak hauek izan dira: Txorierriko udal euskaltegiko eta Txepetxa AEK euskaltegiko irakasleak, TOTOANeko ordezkariak eta Txorierriko Mankomunitateko langileak.
Frontoian 500 pertsonatik gora batu ziren eta sariak Txorierriko alkateek eta zinegotziek banatu zituzten. Ostean, Hodei magoaren ikuskizunaz gozatzeko aukera egon zen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).