“Plaza beteta egon zen bazkaltzeko ordura arte. Guztira, 500 kopa saldu ziren eta oso giro polita egon zen herrian jardunaldi osoan zehar. Goizean azoka egin genuen eta arratsaldean erromeria egon zen Hori Bai gaztetxean”.
Azokak txakolina sustatzea du helburu. Bisitariek zazpi txakolin marka datatzeko aukera izan zuten Larrabetzun: Lezamako Basalbeiti, Erdikoetxe, Magalarte eta Garkalde; eta Larrabetzuko Gorka Izagirre, Bitxia eta Sasines. Brindisa, Iñaki Suárez larrabetzuarrak eta Asier Dañobeitia lezamarrak egin zuten. Iñaki UAES (Sommelierren Elkarte Espainiarren Batasuna) elkartearen Euskadiko ordezkaria da eta Asier ere bada sommelierra. Euren esanetan, urte gogorra izan da txakolina egiteko, eguraldi txarra egin duelako. Hala ere, aurtengo txakolina “gozo-gozo” dago.
Txakolin Egunak gure ardoa ez ezik bertoko produktuak ere sustatzen laguntzen du. Izan ere, Gurpide elkartearen eskutik, 10 postu jarri ziren eta han zenbait produktu eskaini ziren: ogia, gozokiak, barazkiak eta gazta, tartean.