Asteburu honetan bukatu dira Bizkargi Eguneko ospakizunak. Zapatuan igoera eta mendi lasterketa antolatu ziren; eta domekan, goizean, hainbat ekitaldi, Bizkargi mendiko tontorrean eta arratsaldean, erromeria, Larrabetzuko plazan.
Bizkargi Eguna Burdinazko Gerrikoa defendatzen hil ziren gudarien omenez ospatzen da urtero. Aurten, ohikoa den moduan, ekitaldiak antolatu dira Larrabetzun urteurrenaren haritik. Lehenengoa apirilaren 26an egin zen eta azkena, asteburu honetan. Ekitaldi nagusia atzo egin zen, mendi tontorrean. Han zanpantzarrek eta musikariek girotu zuten goiza. Gainera, Bizkargi Larrabetzuko taldeak dantza-emanaldia eskaini zuen. Betiko moduan giro polita egon zen Larrabetzun asteburu osoan zehar.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).