Herri izaera eta herri armarria osatzen dituzten hiru sinbolo hartu dira kontuan logotipoa diseinatzeko orduan. “Haritza, modu sintetizatu batean irudikatuta; Larrabetzu osatzen duten bi herri eremu nagusien isla diren bi ixa; eta armarrian agertzen den panela edo makal hostoa, gorri kolorekoa, bihotzaren antza duena eta grafikoki indartu egiten dena”.
Jakinarazi duten moduan, irudi berria Udalak ez ezik herriko eragileek ere erabili ahalko dute, “Larrabetzu herriaren isla izateko gogoz, eta ez soilik Udalarena”. Ikurrak ez du balio heraldikorik izango, eta funtzio hori bete behar denean, armarriak jarraituko du ikur nagusia izaten. Gainontzeko ekimenetan, ikur berria erabiliko da.