Antolatzaileek adierazi duten moduan, eguraldi txarra espero zuten, baina euriak atsedena eman zuen eta jende asko animatu zen Larrabetzuraino hurbiltzera. Beraz, Racing elkartekoak pozik azaldu dira. “Larrabetzu–Vivero–Lezama–Fika–Larrabetzu ibilbidea egin zuten 50 autok. Tolosatik ekotaloak egiten dituen lagun bat etorri zen eta horrek ere oso harrera ona eduki zuen. Gainera, Miserableak herriko taldeak kontzertua eman zuen. Gure aldetik, oso pozik gaude ekitaldiak izandako emaitzarekin”. Hain pozik, ezen datorren urteko hitzordua buruan baitute dagoeneko.