Josu Ginea Leonera eramango dute

Espetxeetako Instituzioek beste lau euskal preso hurreratuko dituzte Euskal Herrira, eta horien artean Josu Ginea larrabetzuarra dago. Ginea Almeriatik Leonera eramango dute.

Beste hiru presoak Olga Comes, Iratxe Yañez eta Aurken Sola dira. Comes eta Yañez Asturiasera eramango dituzte; eta Sola, Burgosera.

Gineari 12 urteko espetxe-zigorra ezarri zioten, armategia izatea eta desordena publikoa eragitea egotzita. 2010ean espetxeratu zuten.