Burdinazko hesia defendatzen zebiltzala, eusko gudariek August Wilmsen pilotu alemaniarrak gidatzen zuen hegazkina lurrera bota zuten. Hegazkina Larrabetzutik hurbil erori zen: abioia txikituta zegoen, eta pilotu nazia erabat kiskalita. Faxistak Larrabetzura sartzear zeudela hil zuten Wilmsen. Burdinazko hesia apurtu eta herrira sartu zirenean, faxistek hilarria ipini zuten alemaniarraren oroimenez.
Udalak azaldu duen moduan, hilarria “landa batean izan da orain arte, inolako babesik gabe”, eta horregatik erabaki dute hura gordetzea, “izan ditzakeen kalteak edo hondatzea saihesteko”. Larrabetzuko Udala 1936ko gerra eta ondorengo urteetako memoria historikoa berreskuratzeko egitasmoa lantzen dabil, eta herrian memoriaren zentroa sortzeko asmoa dute. Hilarria bertan ipiniko lukete hura testuinguruan kokatzeko.
Wilmsen hilobiak honela dio: “Hemen erori zen 1937ko ekainaren 1ean, Espainiaren alde, August Wilmsen, 1913ko martxoaren 14an, Kefrelden jaioa”. Hainbat herritarrek gogoratzen dutenez, 1936ko gerra bukatu, eta autobusa etortzen zen Alemaniatik Larrabetzura, pilotu naziari omenaldia egitera.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).