Gainera, esan dutenaren arabera, beste zortzi gune sortuko dira eta horietan errefusa (edukiontzi grisa) eta ontziak (edukiontzi horia) batzeko edukiontzi bikoitzak ipiniko dituzte. Bestetik, herriko zenbait kaletan dauden informazio-panelak aldatuko dituzte, udal komunikazioa hotzeko eta herriko elkarteen kartelak jarri ahal izateko.
Udalak jakinarazi duen moduan, hondakinen gaikako bilketa sustatzen jarraituko dute eta, zaharren ordez, edukiontzi berriak ipiniko dituzte hondakinak gaika batzeko. Orotara zortzi gune atonduko dira eta bakoitzean lau edukiontzi egongo dira: urdina, papererako; marroia, hondakin organikoetarako; grisa, errefusarako; eta horia, ontzietarako eta plastikorako.