Jaialdia Olarreta Larrabetzuko pilota elkarteak antolatu zuen atzo arratsaldean, San Isidro ospakizunaren haritik. Jaialdiak helburu bikoitza eduki zuen: alde batetik, elkartearen 20. urteurrena ospatzea; eta bestetik, kluba aurkeztea.
Horrela, protagonismoa eman zitzaien elkartean dabiltzan pilotariei, eta, besteak beste, pala erakustaldiak izan ziren, eta Olarreta eta Txokoan taldeen arteko partida. Era berean, omenaldia egin zieten Leire Etxaniz eta Danel Elezkano pilotariei, eta Itallen bertso-eskolakoek ere hartu zuten parte ekitaldian. Oso giro ederra egon zen pilotalekuan. Gainera, jaialdiak bat egin zuen Txorierriko Zerbitzuen Mankomunitateak sustatzen dituen “Kirola oinarritik euskaraz” egitasmoarekin.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).