Etxeandia irailaren 29an desagertu zen Gorbeian eta lau egun beranduago, irailak 3, topatu zuten hilik. Etxeandia lagun batzuekin joan zen mendira, baina haiengandik banatu zen eta esan zien etxera bere kabuz itzuliko zela. Ertzaintzak azaldutakoaren arabera, istripuzko heriotza izan zen: larrabetzuarra amildegi batetik erori omen zen.
Berrogeita hemeretzi urteko larrabetzuarrak bederatzi urte eman zituen iheslari 90eko hamarkadan. Mexikoko poliziak 2003. urtean atxilotu zuen legez kanpoko egoiliarra zela argudiatuta eta Estatura ekarri zuten. Hamabi urte eta sei hilabeteko espetxe-zigorra bete zuen, zigor osoa, gaixotasun larria bazuen ere eta horregatik kartzelaldia eteteko eskatu zuen arren.