Basaurikoa Bizkaian egiten den pala egokitu lehendabiziko txapelketa izan da. Guztira, partida bi jokatu ziren: bata, urritasun fisikoa duten pertsonentzat, Centenok eta Lizasok irabazi dutena, hain zuzen ere; eta bestea, adimen urritasuna duten pertsonentzat. Horretan, Iker Tejidok eta Eneko Sagarmendik 23-25 irabazi zieten Ibai Magdalenori eta Jurdan Arakistaini.
Asteburuan San Miguel jaiak izan ziren hainbat herritan. Basaurin, esate baterako, Basauri-Bilbondo Pilota Egokituaren Sari Nagusia egin zuten eta bertan Jose Centeno larrabetzuarrak txapela irabazi zuen Beñat Lizaso gipuzkoarrarekin batera. Bikotea 25 eta 23 nagusitu zen, Gorka Alvarez bilbotarrak eta Asier Navaridas nafarrak osatutako taldearen kontra.