Larrabetzuko udal-aurrekontuetan parte hartzeko, behean dagoen estekan sakatu behar da. Erabiltzaileak galdera batzuei erantzuteko aukera izango du bertan, eta, gainera, udalaren gastuen lehentasunak ezarri. “Udal-kontuak edozein familiaren ekonomia bezalakoak dira: zelako diru-sarrerak, halako gastuak. Larrabetzuarron iritzia jakin gura dugu aurrekontuen zirriborroa idazteko eta abenduan onartzeko”.
Udalak iragarri du ordenantzak eta herri prezioak urrian onartuko dituztela, baita datozen urteetarako inbertsio-plana ere. “Hiru proiektu ditugu datorren urterako: udaletxeko obren proiektua eta lizitazioa; ur zikinak eta euri-urak bereizteko obrak; eta eskolan konponketak egiten jarraitzea. Udalkutxako diru-sarrerak iazkoak baino handiagoak izatea espero dogu, eta diru-sarrera orokorrak, gutxi gorabehera, % 2 igotzea”.
http://www.larrabetzu.eus/eu-ES/Udala/Orrialdeak/FormularioPresupuestos2020.aspx