Txapelketan lau bikotek hartuko dute parte. Larrabetzun, partida bi jokatuko dira 19:30etik aurrera: Leire Galdos eta Leire Etxaniz, Ane Isasmendiren eta Laura Saezen kontra; eta Amaia Irazustabarrena eta Amaia Araiztegi, Ane Maizaren eta Maider Mendizabalen kontra. Partidak horiek izan ezik, beste guztiak Bizkaia Frontoian izango dira. Abenduaren 20an, 19:30ean, Galdos eta Etxaniz Irazustabarrenaren eta Araiztegiren kontra arituko dira lehian; eta Isasmendi eta Saez, Maizaren eta Mendizabalen aurka. Hurrengo partidak abenduaren 27an jokatuko dira: Galdos eta Etxaniz, Maizaren eta Mendizabalen aurka; eta Irazustabarrena eta Araiztegi Isasmendiren eta Saezen kontra. Finala urtarrilaren 4an izango da eta ETBk emango du. Pilotariei kirol-kontratua egingo zaie.