Zenbait komunikabidetara bidalitako gutunean adierazi dutenez, herrian aipatutako egunetan mediku-zerbitzurik ez egoteak egonezina sortu du herritarren artean eta hainbat kaltetu izan dira. “Horrelakorik berriro gerta ez dadin, zera exijitu nahi dugu: bertako medikuak dagozkion arrazoiengatik bere postuan egoterik ez badu, ordezko mediku bat ziurtatzea”.
Bestalde, atzoko udalbatzan gai honi lotutako adierazpen instituzionala onartu zuten aho batez. Adierazpen horretan, herriko osasun-zentroko arduradunei eskatu diete larrabetzuarrek mediku-zerbitzua egunero izateko duten eskubidea bermatzeko eta halako egoerarik berriro gerta ez dadin neurriak hartzeko. Jakinarazitakoaren arabera, datorren astean Larrabetzuko Udalak sinadurak eta adierazpen instituzionala bidaliko dizkio Osakidetzari.
