Koronabirusa

Eskerrik asko Larrabetzuko merkatariei eta baserritarrei

Aikor aldizkaria 2020ko api. 8a, 18:11

Larrabetzuko Udalak Bertokoa indartuz, gora bertoko komertzioa izenburua duen bandoa argitaratu du, herriko merkatariei eta baserritarrei eskerrak emateko. Udalak aintzat hartu du langile horiek COVID19ak eragindako krisian lanean jarraitzea. “Besarkada bero eta txalo zaparrada handi bat gure merkatari, nekazari eta baserritarrentzat. Egunero-egunero, Larrabetzuko auzokideoi zerbitzua ematen jarraitzen dute. Zerbitzu horiek barik ezinezkoa litzateke aurrera egitea”, adierazi du.