Besteak beste, ordua jotzear dagoenean eliza aurrean begiak itxi eta kanpai-hotsak aditzeko aholkua eman dute; eraikin zaharretako harrien koloreei eta formei erreparatu; Gaztelumendira igo eta ikuspegiaz disfrutatu; Goikolexea ondoko errekatxoan oinak eta eskuak busti; Belarrinaga inguruko zuhaitzen enborrak ukitu; eta lorategiak begiratu eta usaindu. Era berean, euren zentzumen-esperientzia izatera animatu dituzte larrabetzuarrak. Zentzumen-ibilbidea eskuorri batean jaso dute eta hori udaletxean, liburutegian, okindegian eta estankoan dago eskuragarri.