Andra Mari kalea, bakarrik oinezkoentzat

Larrabetzuko Udalak jakinarazi duenez, bihartik aurrera bakarrik oinez ibili ahalko da Andra Mari kaleko 3. zenbakitik 23. zenbakiraino. “Oinezkoak dira mugikortasun jasangarriaren mailarik ahulena eta babesgabeena, baita preziatuena ere. Izan ere, denok gara oinezkoak, baina batez ere adineko pertsonak, mugikortasun murriztua dutenak eta abar. Horiek babestu behar ditugu”, adierazi dute. Beraz, umeek zein gazteek eta helduek bizikleta edo patinetea eskuan daramatela gurutzatu beharko dute kalea.