Bestalde, “gobernu-taldearen ekimenez, osoko bilkuran beste ordenantza berri onartu ziren, hala nola lehen sektorerako dirulaguntza berriak, gazteek etxebizitza alokatzeko laguntza ekonomikoak eta tximiniak garbitzeko eta mantentzeko dirulaguntzak. Halaber, hilerria, gazteen lokalak eta autokarabanen parkinga arautzeko ordenantzak ere onartu ziren.
Larrabetzuko Udalak jakinarazi duenez, urriaren 28ko osoko bilkuran 2021erako zergak izoztea onartu zen gobernu-taldearen bozei esker. “Gobernu-taldeak osoko bilkurara eraman zuen proposamena, udalerriaren, familien, enpresa txikien, dendarien eta ostalarien egoera ekonomikoa arintzen laguntzeko”. COVID-19ak eragindako krisiaren ondorioz, udal-kutxek jasoko dituzten diru-sarrerak murriztuko diren arren, “udalak auzotarren egoera arintzeko ahalegina egingo du”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).