Egun horretako ONCEren zozketaren kupoi saridunaren azken lau zenbakiekin bat datorren txartelaren jabeak 100 euro balio duen Errigorako otzara jasoko du saritzat; eta azken hiru zenbakiekin bat datozen txartelen jabeek, 50 euro balio duen Errigorako otzara bana. Guztira 10.000 txartel inprimatuko dira eta agortu arte banatuko dira. Sariak eskuratzeko azken eguna abenduaren 22a izango da.
Larrabetzuko Udalak Bertokoa indartu kanpaina ipini du martxan, herriko merkataritza bultzatzeko. “Izenak berak dionez, helburua bertokoa indartzea da; hau da, larrabetzuarrok Larrabetzuko dendak eta zerbitzuak erabiltzea”. Erosleak zozketa baterako txartel bat jasoko du, okindegian edo fruta-dendan bost euroko erosketa eginez gero; supermerkatuan, arrandegian edo harategian 10 euroko gastua egiten badu; eta beste zerbitzu edo saltoki batzuetan 20 eurotik gorako erosketa eginez gero. Zozketa ONCEren zozketarekin batera egingo da azaroaren 27an.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).