Larrabetzuko Udalak jakinarazi duenez, dagoeneko udal-dirulaguntzak jasotzeko eskaerak aurkeztu daitezke. Dirulaguntzak, besteak beste, beharrizan ekonomikoak dituzten familientzat dira, kirol- eta kultura-elkarteentzat, putzu septikoak eta tximiniak garbitzeko eta gazteei etxebizitzaren alokairua ordaintzen laguntzeko.
Zehatz-mehatz, 4.500 euro zuzenduko dira beharrizan ekonomikoak dituzten familiengana; 1.500 euro, euskara-ikastaroetara; 19.000 euro, kirol-elkarteetara; 19.000 euro, kultura-elkarteetara; 19.000 euro, putzu septikoak garbitzera; 1.000 euro, termiten aurkako tratamenduetara; 500 euro, tximiniak garbitzera; eta 10.000 euro, 18 urtetik 35 urtera arteko gazteei etxebizitzaren alokairua ordaintzen laguntzeko. Larrabetzuarrek hilabeteko epea dute eskaerak aurkezteko. Informazio gehiago: www.larrabetzu.eus.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
