Laurogeita lau urte bete dira faxistek Burdin Hesia apurtu zutela, eta Larrabetzun ekintza egingo da eraikuntza defendatzen ibili ziren borrokalarien omenez. Horrela, ekainaren 13an, 09:30ean, hitzordua ipini dute plazan, Gaztelumendira oinez joateko. Antifaxistak gogoratzeko ekitaldia 10:30ean egingo da Gaztelumendin bertan, eta 12:00etan txorizoa eta sagardoa dastatuko dira Eleixalden. Ondoren, bertso-saioa egingo da.