Bestalde, Erlantz Garcia larrabetzuarraren taldeak ere ez zen esku hutsik irten frontoitik, bigarren kaiolakoan Leire Garaik 3 eta 12 irabazi baitzion Etxegarairi. Hurrengo astelehenean puntu banarekin berdinduta diren Erlantz Garciaren eta Reyes Azkoitiaren taldeak arituko dira elkarren aurka.
Olatz Arrizabalaga pilotariak (Olarreta Larrabetzuko pilota taldea) 12 eta 7 irabazi zion Amaia Aldairi Plazandreak txapelketaren bigarren saioan. Binakakoan ere gailendu zen, izan ere, berak eta Mendizabalek 12 eta 11 irabazi zioten Aldaik eta Osesek osatutako bikoteari. Hortaz, Arrizabalagak bi puntu lortu ditu Mikel Inuntziagaren talderako, eta sailkapenaren lehen postuan daude.