Asteburuan, Espainiako Txapelketa eta Espainiako Kopa izan dira eta Aiora Gerekiz Larrabetzuko zaldunak bigarren lehiaketa irabazi du poneyen A kategorian. Zazpi urteko neskatoak ibilbide ikusgarria egin zuen eta horren adierazlea izan zen publikoa zutik ipini izana. “Ikaragarria izen zen”, esan digu Eider Etxeandiak, bere amak. “Hasierako urduritasuna gaindituta, Aiorak txapelketa bikaina egin du, eta aurretik egindako lan gogorra erakutsi. Ponyek ere oso lan ona egin dute”.
Gerekizek lehiaketa bietan hartu zuen parte, bakoitzean poney batekin; hala ere, akats txiki batengatik Espainiako Txapelketatik kanpo gelditu zen. “Infanta Elena trofeoa irabazi ondoren, gogotsu geunden, baina bagenekien zaila izango zela, proba bakoitzean 35 zaldun ibili direlako, eta oso onak, gainera. Nolanahi ere, alabarengan konfiantza handia dugu eta beste behin ere onerako harritu gaitu. Egia esan, urte zoragarria izaten ari da garaipenei dagokienez, baina badakigu gorabeherak izan ahal direla eta zortea ere inportantea dela”. Larrabetzukoa txapelketa bietako zaldunik gazteena izan zen. Abenduan Poney Club Trofeoan parte hartzeko asmoa du.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
