Larrabetzuko Udalak azaldu duenez, ibilgailuen gehiegizko abiaduraren ondorioz arazoak sortzen dira Goikoelexean eta, gainera, Gaztelumendiko bidegurutzearen eta Goikoelexearen arteko ibilbidea arriskutsua da oinezkoentzat. Hori dela eta, “azken urteotan udalak behin baino gehiagotan eskatu du BI-2713 errepidean (Gamiz-Fikara doana) segurtasuna hobetzeko neurriak hartzeko”. Horri lotuta, eta jakinarazitakoaren arabera, iraileko osoko bilkuran aho batez onartu zuten Bizkaiko Foru Aldundiari eskatzea “arazoa aztertzeko eta bide-segurtasuna hobetzeko neurriak proposatzeko, eta saileko arduradunarekin bilera egiteko arazoa aztertze aldera”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).