Antzina, kalabazak eta arbiak hustu, begiko, sudurreko eta ahoko zuloak egin, eta haien barruan kandelak pizten ziren. Kalabazak-eta bide bazterretan uzten ziren hildakoen arimei bidea erakusteko. Era berean, gazteak eta umeak etxeko trapu zaharrekin mozorrotzen ziren auzokideak beldurtzeko. Familiek gaztainak jan ohi zituzten, eta, herri batzuetan, umeak eskean ibiltzen ziren. Urte batzuk dira elkarteek eta erakundeek Txorierriko kaleetara ekarri dituztela berriro ohitura horiek. Larrabetzun, esaterako, eta ohi denez, Akarbaltz Gaua antolatu zuen urriaren 31n Kulturbilguneak. Gau hartan antzezlana egin zuten txikien eta handien gozamenerako. Idoia Andresek grabatutako antzezlanaren zatia ikusgai dago bideoan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).