Larrabetzuko, Lezamako eta Zamudioko gazteek Garraioa Irauli lantaldea sortu dute. Atzo agerraldia egin zuten Bizkaibuseko zerbitzuarekin esandako herriek duten arazoa azaltzeko, eta beste behin eskatzeko Larrabetzu 2. tarifa-gunera aldatzeko eta unibertsitatera autobus gehiago jartzeko. Era berean, iragarri zuten abenduan 17an Larrabetzun ekitaldia egingo dutela. Egunean bertan emango dute ekimenaren berri.