Garraioa Irauli taldeak aldarrikapen nagusi bi ditu: alde batetik, Larrabetzu 2. tarifa-gunera aldatzea, eta bestetik, unibertsitatera autobus gehiago jartzea. Aldarrikapenak Bizkaiko Foru Aldundira eraman dituzte, baina, euren esanetan, ez dute erantzunik jaso. Hori dela eta, ekimena egin zuten bariku arratsaldean, abenduak 17, Larrabetzun: herritar batzuek autobusa gelditu zuten eta garraio-zerbitzu duinaren aldeko kartelak ipini zituzten bertan. Bestalde, taldeak 442 sinadura batu zituen aurreko hilabetean, eta horiek Aldundira bidali. Aipatu dutenez, sinadurak berriro bidaliko dizkiote foru-erakundeari.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).