Azken urteetan egin bezala, txapelketa bi maila nagusitan banatuko da erabiliko den materialaren arabera: pilota goxoa eta pilota mistoa. Horien barruan beste bi multzo bereziko dira: gazte eta nagusi mailak, pilota goxoan, eta promozio eta elite mailak, mistoan. Ohikoa den bezala, bikote gehienak pilota goxoarekin arituko dira, 30 bikote; eta 12, pilota mistoarekin. Guztien buru izango dira txapelketarekin hazi diren Amaia Aldai –Plazandreak saioko eta Lau eta erdiko egungo txapelduna–, Olatz Arrizabalaga –iazko San Mateotako txapeldun eta kaiolako azpi-txapelduna–, Leire Garai eta Miriam Arrillaga.
Antolatzaileek jakinarazi dutenez, dena prest dago Binakako Master LABORAL KUTXA Txapelketaren VI. edizioa hasteko. Lehenengo aurrekanporaketak domekan, urtarrilak 30, jokatuko dira Larrabetzun eta, ondoren, Gipuzkoan egingo dira partida gehienak. Finala martxoaren 27an izango da Irungo Uranzu pilotalekuan. Txapelketan 84 pilotari arituko dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).