Larrabetzuko sortzaile gaztea zen Oier Beldarrain Lazkano eta iazko urtarrilean zendu zen. Udalak beka bat sortu du bere omenez. Beka herriko gazteentzat da eta hurrengo helburu hauek ditu: euskarazko kulturgintza bultzatzea, gazteen artean euskarazko sorkuntza sustatzea, gazteek gazteentzat sortutako jardueren bidez eragitea euskarazko kultura-programazioan eta gazteek sormena garatzeko aukera eta guneak izatea. Bekarako 4.000 euro esleitu dira urtero.
Larrabetzuko Udalak jakinarazi duenez, kultura-sorkuntzatzat jotzen da “artistaren imajinaziotik eratorritako edozein lan edo obra: musika, pintura, eskultura, literatura, antzerkia, bakarrizketa, poesia-emanaldia, bertsolaritza, zinema, komikia, soinu-konposizioa, ikus-entzunezko konposizioa, konposizio digitala, dantza… baita diziplinen arteko hibridazioa ere”. Azaldutakoaren arabera, beka arautzen duen ordenantza otsailaren 8ko osoko bilkura berezian onartu zen; Bizkaiko Aldizkari Ofizialean argitaratu ondoren, bekaren deialdi publikoa martxoaren bukaeran zabalduko da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).