Terraza-ordenantza berria onartu dute Larrabetzun

Larrabetzuko Udalak jakinarazi du atzoko osoko bilkuran terraza-ordenantza berria onartu zutela. Azaldutakoaren arabera, ordenantzan aldaketa bat egin da eta horrek hizkuntzari dagokio. Horrela, terrazetan bezeroen eskura jartzen diren elementu guztiak, hala nola menuak, prezioak eta kartelak, euskaraz idatziko dira, beste hizkuntza batzuetan ere idatzi daitezkeen arren. Azken kasu horretan, lehentasuna euskarari emango zaio. Bestalde, osoko bilkuran jakinarazi zen terrazei lotutako tasa kobratu gabe bi urte pasatu ondoren aurten hasiko dela hura kobratzen, ordenantzan agertzen den moduan.