Azaldutakoaren arabera, Txorierriko Txakolinaren aurkezpena egingo da eta dastatze-azoka ere izango da. Ekitaldian Larrabetzuko (Gorka Izagirre, Sasine eta Sasikoetxe), Lezamako (Basalbeiti, Erdikoetxe, Garkalde eta Magalarte) eta Zamudioko (Magalarte) txakolingileek hartuko dute parte. Txartelak bost euroan salduko dira eta prezioaren barruan egongo dira txakolin kopa bat eta bi txakolin. Bost euro horietatik, Larrabetzuko Udalak euro bana emango die Txokoan herriko emakume pilotarien elkarteari eta Zaporeak elkarteari (Europara etortzen diren errefuxiatuen artean janaria banatzen duen elkartea da); bestalde, 2,80 euro txakolingileentzat izango dira.
Azkenik, plazan ipiniko diren salmenta-postuen artean egongo dira artisauak, gazta-saltzaileak eta talogileak. Larrabetzuko Udalak bisitariei eta parte-hartzaileei eskatu die ekintzaren egunean indarrean egongo diren segurtasun- eta osasun-arauak betetzeko.