Eskaintzak www.larrabetzu.eus webgunearen bidez edo udaletxean bertan aurkeztu daitezke. Bestalde, udalak azaldu duenez, iaz hiru lursail eskaini zizkioten, guztira 14.800 metro karratu. “Azken hilabeteetan egiaztatu da eskaintzek baldintza teknikoak eta administratiboak betetzen dituztela. Hil honetan, notarioaren paperak formalizatuko dira. Prozesu erraza eta gardena izan da eta datozen asteetan eskriturak egingo dira”. Aurten tailerrak egin dira lursail publiko horiek kudeatzeko aukerak aztertzeko. “Laster erabakiko da zer jarduketa-mota egin”.
Larrabetzuko Udalak herriko basoak erosteko prozesua abian ipini zuen iaz, udalerrian “beste baso-politika bat egiteko”. Aurten 15.000 euro bideratuko dituzte egitasmo horretara. Helburua da beste mota bateko basoen alde egitea. “Mendien kudeaketa jasangarria, askotarikoa eta gardena garatu gura dugu, baso mistoak eta espezie autoktonoak abiapuntutzat hartuta eta biodibertsitatean oinarrituta”. Basoen jabeek ekainaren 30era arte egin dezakete eskaintza.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).