Maiatzaren 20an, “Sexuen arteko harremanari begirada bat” hitzaldia eskainiko da Larrabetzun, Hori Bai gaztetxean. Lucia Gonzalez Mendiondo eta Joserra Landarroitajauregi arituko dira hizlari 18:30ean.
Hitzaldiak sexuen arteko harremanen inguruan hausnartzea du helburu. Antolatzaileen esanetan, “emakumea izatea” ala “gizona izatea” pluralitatearen eta etengabeko aldaketaren auzipean ulertu behar da. Sexologiak hainbat ikuspuntu ditu (gizartea, psikologikoa, biologikoa) eta biologiaren eta kulturaren arteko sakabanaketa baztertu behar da. Feminismoaren ekarpenak aintzat hartuta, sexologiak baliabide aberasgarriak eskaintzen ditu subjektu sexuatuen arteko eztabaidei erantzuna emateko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).