Literaturaz Berbetan egitasmoaren baitan, irailaren 15ean Anton Txekhov Errusiako dramaturgoaren eta narratzailearen ipuinak hizpide izango dituzte Larrabetzun, Iker Sancho Insaustiren eskutik. Sanchok Txekhoven 31 lan aukeratu ditu, itzuli eta 31 ipuin antologian batu ditu. Saioa 19:00etatik aurrera izango da Anguleri kultur etxean.
Bestalde, Literaturaz Berbetan egitasmoko arduradunek ezagutzera eman dituzte hemendik abendura arte izango dituzte gainerako hitzorduak: urriaren 20an, Alberto Barandiaran Amillanoren Gurea falangista zen; azaroaren 17an, Nerea Ibarzabal Salegiren Bar Gloria; eta abenduaren 22an, Itziar Ugarte Irizarren Gu gabe ere.