Larrabetzun panpa-lezkarik ez taldeak landare inbaditzaile hori kentzeko auzolana egiteko deia egin du. Elkartekoak-eta domekan, urriak 30, bilduko dira 10:30ean, Bideko gasolina-zerbitzugunearen aparkalekuan. Handik Utxabasora abiatuko dira, bertatik ahalik eta panpa-lezka gehien kentzeko. Elkartekoek eskularruak eta botak eramatea gomendatu dute; tresnak (aitzurrak, artaziak...) euren kontura. Gainera, arazoaren berri emateko, txostena aurkeztuko dute.
Panpa-lezka, cortaderia selloana, espezie exotikoa arriskutsua da: batetik, azkar hedatzen delako eta bertako flora desagerrarazten duelako; bestetik, lurraren emankortasuna eta paisaiaren kalitatea murrizten dituelako; eta azkenik, alergia dutenei arazoak ekartzen dizkielako. Panpa-lezka espezie inbaditzaileen katalogoaren barruan dago, hau da, debekatuta dago horren jabea izatea eta landa lantzea, leku batetik bestera eramatea eta saltzea edo erostea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).