Kanpainan 17 saltokik hartuko dute parte eta orotara 10.000 txartel banatuko dira, harik eta agortzen diren arte. Azaroaren 26ko ONCEren zozketako kupoi saridunaren azken lau zenbakiekin bat datorren txartelak 150 euroko balioa duen Errigorako otzara jasoko du saritzat; eta egun horretako kupoi saridunaren azken hiru zenbakiekin bat datozen txartelek, 55 euroko balioa duen Errigorako otzara bana. Sariak eskuratzeko azken eguna abenduaren 22a izango da.
Herriko saltokietan erostea bultzatzeko kanpaina Larrabetzun
Larrabetzuko Udalak “Bertokoa indartu” kanpaina ipini du martxan. Helburua da herritarrak herriko saltokietan eta zerbitzuetan erostera animatzea. Erosleak Errigorako otzara baten zozketan parte hartzeko txartela jasoko du okindegian zein fruta-dendan egindako bost euroko erosketa bakoitzeko; supermerkatuan, arraindegian zein harategian egindako 10 euroko erosketa bakoitzeko; eta gainerako zerbitzuetan edo saltokietan egindako 20 euroko erosketa bakoitzeko (gehienez 10 txartel faktura bakoitzeko).
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).