"Larrabetzuko baserriak eta etxeak" liburua argitaratu da

Labayru Fundazioak Larrabetzuko baserriak eta etxeak liburua idatzi du, udalaren babespean. Liburuak herriko baserrien eta etxe zaharren izenak, hau da, toponimoak berreskuratzea eta gizarteratzea du helburu. Udalak bertsio digitala zabaldu du eta aukera emango die herritarrei, iruzkinak, ekarpenak edota zuzenketak helbide honetara (alkatetza@larrabetzu.eus) bidaltzeko. Mezuak bidaltzeko epea abenduaren 18an bukatuko da. Liburua esteka honetan deskarga daiteke.

Ziortza Artabe eta Jaione Bilbao Labayruko kideek idatzi dute liburua. Horretarako, hainbat lagunek laguntza eman diete: Sabin Arana, Joseba Etxebarria, Juan Antonio Zorrozua, Libe Loroño, Mari Carmen Gomez... Baserrien katalogoa da, eta bakoitzaren datuak fitxa batean jaso dira: argazkia, ezaugarriak... Liburua bizkaieraz dago idatzita eta baserrien izenak ahozko zein idatzirako erabilitako formak jaso dira. Gainera, egileek mapa bat argitaratu dute eta bertan, auzoz auzo, baserri guztiak ipini dituzte.

Guztira, 49 orri daude irakurgai. Udalaren esanetan, liburuari esker, “hobeto ezagutuko dugu lehengo Larrabetzu ez ezik gaur egungoa ere. Horrela, gure herria gehiago maitatuko dugu eta bihar-etziko Larrabetzu egiten lagunduko digu”.

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).