Larrabetzuko aterpetxearen arduradunek batutako 3.000 euro gizarte-laguntzetara zuzenduko da

Larrabetzuko erromesentzako aterpetxea 2016an ipini zen martxan, eta hura Bizkaiko Done Jakue Bideko Emaileen Elkarteak kudeatzen du. Aterpetxea apirilaren 1etik urriaren 31ra zabaldu zen iaz, eta elkarteak batu ditu erromesek egindako diru-ekarpenak: guztira 3.000 euro. Diru-kopurua udalari eman diote, eta horrek adierazi duenez, Larrabetzuko Larrialdietarako Gizarte Laguntzetarako erabiliko da. Txorierriko Zerbitzuen Mankomunitateak kudeatuko ditu dirua eta zerbitzua.