Era berean, eskaera hauek egin dituzte: hitzordua eskatzea errazagoa izatea eta horretarako aukera gehiago egotea; hitzorduetan atzerapenik ez egotea; eta aurreko guztia bermatzeko, behar adina langile eta baliabide ekonomiko eta material ipintzea.Izan ere, lehen arretako osasun zerbitzua herrian bertan jasotzerik ez dutenean, Galdakaora, Usansolora edo Basaurira joan behar dute. “Hori traba bat gehiago da gaixorentzat edo joan-etorria egiteko erraztasunik ez duenarentzat. Ondorioz, ez dugu kalitateko arreta-zerbitzurik jasotzen. Osasungintza unibertsalaren, publikoaren eta kalitatekoaren bidez baino ezingo dugulako gure etorkizuna bermatu”.
Larrabetzuko Osasun Publikoaren Aldeko plataformak (LOPA) sinadura-bilketa egin du, eskatzeko herrian lehen arreta bermatzeko eta hori kalitatekoa izan dadin. Azaldu dutenez, 200 sinadura baino gehiago batu dituzte, eta Galdakaoko ESIn aurkeztu. Zehatz-mehatz, Osakidetzari eskatu diote herriko anbulatorioan osasun-zerbitzua arreta presentzialaren bitartez egunero bermatzeko eta analisi klinikoak eta gainerako oinarrizko artatzeak herrian bertan egiteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).