Larrabetzuko udaletxea eraberritzeko proiektua Behark estudioak egingo du, herriko aterpea ere egin zuena, alegia. Udalak lanen lizitazioa udaberrirako egitea espero du eta eraikina, 2025erako bukatuta egotea. “Dirulaguntzak Eusko Jaurlaritzari eta Bizkaiko Foru Aldundiari ere eskatu dizkiegu. Eta gainerakoa, udalak ordaindu beharko du. Horretarako 500.000 euroko mailegua eskatu beharko da. Lanak beharrezkoak dira, udaletxea oso zahar dagoelako eta gutxieneko irisgarritasun-baldintzak betetzen ez dituelako, besteak beste, igogailurik ez duelako”, esan digu Iñigo Gaztelu alkateak.
Lanak egin arte, udala Errebale jauregia dabil erabiltzen. Alkateak esan du eraberritzea bukatzen direnean, udaletxea erosoagoa izango dela. “Eraikineko barrukoa erabat aldatuko da. Zerbitzuak beheko solairuan eskainiko dira: auzokideei arreta-zerbitzua, gizarte-zerbitzuak, bake epaitegia... Eta goiko solairuan, batzar-gela ere berrituko da eta alboan erabilera anitzeko gela jarriko da. Eraikinean eguzki-plakak ezarriko dira eta energia berriztatzaileak erabiliko ditu”.