Zapatuan, apirilak 22, goi-mailako pala jaialdia egongo da Larrabetzuko frontoian, Nazioarteko Bizkaia Open txapelketaren barruan. Horretan lau bikote profesional arituko dira eta tartean, Txorierriko pilotari biak ditugu. Partidak 18:00etan hasiko dira. Lehenengoan, Roman Maldonado larrabetzuarrak Alkortarekin batera Necol-Trannoy bikotearen kontra jokatuko du. Eta bigarrenean, Asier del Rio lezamarra eta Pablo Fusto argentinarra Madariaga-Urrutia bikotearen kontra sartuko dira lehian. Sarrerak bost euro balio ditu.
Txapelketan jardunaldi batzuk jokatu dira. Fustok eta del Riok nahiko txarto hasi dute lehia, jokatutako hiru partidak galdu egin dituztelako. Madariagak eta bikotekideak ere jokatu dituzte hiru partida, baina horietako bitan nagusitu dira. Finala maiatzaren 5ean izango da Bilbon.
Informazioa:
www.bizkaiafrontoia.eus
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).