“Pozik-pozik hartu dugu parte kanpainan. Batetik, mezuarekin bat gatozelako. Tamalez, jarrera bortitzak astebururo ikusten ditugu zelaietan eta horien kontra zerbait egin behar da. Bestetik, klubari ikusgarritasuna ematen dio”, esan du Xabier Bilbao Uritarra taldearen presidenteak. Grabaketak martxoan egin ziren Larrabetzun.
Kanpainak hainbat bideo labur zabalduko ditu indarkeria gaitzesteko. Edozein indarkeria da kaltegarria, fisikoa zein hitzen bidez sortzen dena. Bideoetan pertsona nabarmenak aritu dira: besteak beste, Ricardo de Burgos bera, Iñaki Williams, Mikel Balenziaga eta Nekane Diez Athleticen jokalariak, Andoni Goikoetxea futbolari profesional ohia eta Iraia Iturregi Athleticen emakumezkoen taldearen entrenatzailea.
Kanpaina San Mameseko Prentsa Aretoan egin zen atzo, maiatzak 16. Han hauek egon ziren: Iñaki Gómez Mardones Bizkaiko Federazioaren presidentea; Rocio Ybarra Athletic Cluben Aterpe programaren arduraduna; Carlos Sergio Bizkaiko Foru Aldundiaren ordezkaria; eta Ricardo de Burgos Bengoetxea nazioarteko epailea.