Zapatuan, maiatzak 20, Kuadrilla Egune ospatu zen Larrabetzun. Aurten Lodiek kuadrillak antolatu du eta gaia Eivissa izan da. Betiko moduan, jende pilak hartu zuen parte bertan: guztira, 38 tortilla aurkeztu ziren txapelketara eta 29 kuadrilla ibili ziren herrian, egun osoan. Lodiek kuadrillaren kideek zerbait ezberdina eskaini nahi izan dute aurten, eta, hortaz, txaranga batek girotu zuen goiza; eta arratsaldea, dj batek. Gainera, apar-jaia egin zen Udaletxeko plazan.