Ez da gertatzen den lehenengo aldia. Iaz, esate baterako, mediku barik ere ibili ziren larrabetzuarrak, Osakidetzak Larrabetzuko medikuaren oporretan ordezkaririk jartzen ez duelako. Aurreko urteetan herritarrak kexatu dira eta hainbat ekintza egin dituzte euren desadostasuna adierazteko: elkarretaratzeak Galdakaoko ospitalean egin dira, baita herrian ere. Osakidetzak hitzordua Galdakaoko ospitalean eskatzeko esan die larrabetzuarrei; eta arazoa larria bada, larrialdietara joateko.
Elkarretaratzera deitu dute Larrabetzun, medikua herrian uda osoan egotea aldarrikatzeko
Larrabetzun ez da medikurik egongo uztailaren 10etik abuztuaren 1era bitartean. Egoera salatzeko, Larrabetzuko Osasun Publikoaren Aldeko Plataformak (LOPA) elkarretaratzera deitu du gaur, 19:30ean, herriko anbulatorioaren aurrean.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).