Atzo, urriak 22, Bertoko Produktuen Azoka izan zen Larrabetzun. Gurpide elkarteak antolatuta, azoka 24. aldiz egin da aurten, “bertoko produkzioa eta salmenta sustatzeko”. Era berean, baratzezainen eta ganaduzaleen lanaren balioa azpimarratu da, eta eskertu. “Elkarte berria sortu da aurten: Estramiñe. Ganaduzaleen elkartea da, abeltzaintza sustatzeko jaioa. Beste eragile bat da, lehen sektorearen neurriak eta politikak hartzen laguntzeko; elkarlanean arituko gara”.
Ohikoa denez, postuak, produktuak, taloa, txakolina eta giro atsegina izan da Larrabetzuko plazan. Horrezaz gainera, lehiaketak egin dira kalabazaren pisua eta indaba-aleen kopurua asmatzeko. Bestalde, eta azokaren ekintzen baitan, Leire Milikuak Lur gainean eta itzal azpian liburua aurkeztuko du azaroaren 2an, 19:00etan, Anguleri Kultur Etxean. Milikua arkitektoa da, eta agroekologian eta genero-berdintasunean aditua. Aurkezpenaren ondoren, solasaldia izango da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).